Сэлэнгэ аймгийн Түшиг сум ( хуучин нэр нь Цэлтэр сум)-ын хилийн цэргийн дугаар ангийн хугацаат цэргийн хоёр албан хаагч Энэ сарын 5-6 нд шилжих шөнө хариуцсан газартаа хилийн манаанд гарч байгаад ор сураггүй алга болсон тухай албан бус мэдээлэл байна. Тэд хилийн манаанд гарахдаа зохих дүрэм, журмын дагуу буу зэвсэгтэй байжээ. Одоогоор тэднийг эрэн хайх ажиллагаа үргэлжилж байгаа бөгөөд цэргийн албанаас оргосон уу, эсвэл өөр хүчин зүйл тэдэнд нөлөөлсөн үү гэдгийг олж тогтоохоор Хил хамгаалах ерөнхий газар, ЗХЖШ, Тагнуулын байгууллага зэрэг зохих хуулийн байгууллага ажиллаж байгаа аж.