Хөдөлмөрийн аюулгүй байдал, эрүүл ахуй гэж хөдөлмөрлөх явцад хүний ажиллах чадвар, эрүүл мэндийг хэвээр хадгалах, эрүүл, аюулгүй нөхцлийг бүрдүүлэхэд чиглэсэн нийгэм, эдийн засаг, зохион байгуулалт, техник, технологи, ариун цэвэр, эрүүл ахуйн арга хэмжээ авах, эмчлэх, сувилах, нөхөн сэргээх, эрсдлээс хамгаалах үйл ажиллагаа. /ХАБЭА-н тухай хуулийн 3.1.1./ Хөдөлмөрийн аюулгүй байдал, эрүүл ахуйн зорилго нь ажил хөдөлмөр эрхэлж байгаа ажилтны эрүүл мэнд, хөдөлмөрийн чадварыг хэвээр хадгалж эрүүл аюулгүй орчинд хөдөлмөрлөх нөхцлөөр хангахад оршино. Энэ зорилгыг хэрэгжүүлэхийн тулд хөдөлмөрийн хууль, тогтоомж, нийгэм, эдийн засаг, зохион байгуулалт, техник, ариун цэвэр, эрүүл ахуйн асуудлыг иж бүрэн шийдвэрлэж хөдөлмөрийн аюулгүй байдал, эрүүл ахуй, үйлдвэрлэлийн орчны хүчин зүйлийн нөлөөллийг бууруулж үйлдвэрлэлийн осол, мэргэжлээс шалтгаалсан өвчнийг арилгах ёстой. Хөдөлмөрийн аюулгүй байдал, эрүүл ахуйн  тухай Хөдөлмөрийн аюулгүй байдал, эрүүл ахуйн хууль 2008 онд батлагдсан бөгөөд хуулиар хөдөлмөрийн аюулгүй байдал, эрүүл ахуйн талаархи төрийн бодлого, зарчим, ажлын байранд тавигдах нийтлэг шаардлага, тэдгээрийг хэрэгжүүлэх удирдлага, зохион байгуулалт, хяналтын тогтолцоо, энэ асуудлаархи төр, ажилтан, аж ахуйн нэгж, байгууллагын эрх, үүрэг, хариуцлага, үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх арга хэмжээний санхүүжилт зэрэг хөдөлмөр эрхэлж байгаа иргэний аюулгүй, эрүүл ажлын орчин нөхцлийг бүрдүүлэхэд чиглэгдсэн хэм хэмжээг тусгасан болно. Ялангуяа аж ахуйн нэгж, байгууллага ажилтны тооноос хамааруулан орон тооны ажилтан, алба, зөвлөлтэй байх, эрсдэл өндөртэй ажлын байр бүрт эрсдлийн үнэлгээ хийх, хөдөлмөрийн аюулгүй ажиллагаа эрүүл ахуйн менежмент нэвтрүүлэх, үйлдвэрлэлийн барилга байгууламж, машин механизм, тоног төхөөрөмж, химийн хортой, аюултай бодист тавих шаардлага, ажилтныг ажлын тусгай хувцас, нэг бүрийн хамгаалах хэрэгслээр хангах, эрүүл мэндийн үзлэг шинжилгээнд хамруулах, осол авааргүй эрүүл ажиллах сургалтанд хамруулах зэрэг ажил олгогчийн хүлээх үүрэг хариуцлага болон хөдөлмөрийн аюулгүй ажиллагаа, эрүүл ахуйн мэргэжилтэй ажилтныг бэлтгэх, давтан сжргах асуудлыг хуульчилсан болно. Мөн хөдөлмөрийн аюулгүй байдал эрүүл ахуйн хууль тогтоомжийн биелэлтэд тавих төрийн болон аж ахуйн нэгж, байгууллага, олон нийтийн хяналт, хөдөлмөрийн аюулгүй байдал, эрүүл ахуйн хууль тогтоомж зөрчигчдөд хүлээлгэх хариуцлагыг чангатгасан болно. Хөдөлмөрийн эрүүл ахуй гэж юу вэ? Стандарт: ХАА, ЭА-н нэр томъёо MNS 4967:2000 Үйлдвэрлэл, үйлчилгээний явцад хими, физикийн болон биологийн хүчин зүйлээс шалтгаалан ажиллагсдын бие бялдар, мэдрэл сэтгэхүйд өөрчлөлт орж өвчлөх, хөдөлмөрийн чадвар буурах явдлаас урьдчилан сэргийлэхэд чиглэсэн арга хэмжээ. Ажиллагсдын эрүүл мэндэд тааламжгүй нөлөө үзүүлж улмаар өвчин үүсгэгч болох ажлын орчны хүчин зүйлс болон стрессыг танин мэдэж, үнэлэх, багасгах, урьдчилан сэргийлэх аргыг судалдаг шинжлэх ухаан юм. Ажлын орчин   1. Ажлын байр -  Байнгийн    (Ажлын цагийн 50%-с дээш хугацаа) -  Байнгийн бус 2. Ахуйн байр     MNS 5621:2000 - Түр амрах - Усанд орох - Бие засах - Тамхи татах гэх мэт Хөдөлмөрийн чадвар алдалт гэж юу вэ? Өвчин эмгэг нь архаг удаан явцтай, эрхтэн бие мах бодийн тогтоц, үйл ажиллагааг гэмтээж доройтуулсны улмаас үндсэн мэргэжлийн ажлыг хийж чадахгүй болж, хийсэн эмчилгээнд засрахгүй байнгын архаг байдалтай болсныг хэлнэ. Стандарт: ХАА, ЭА-н нэр томъёо MNS 4967:2000 Мэргэжлээс шалтгаалах өвчин гэж юу вэ? Ажиллагсдын бие махбодид хөдөлмөрлөх үүргээ биелүүлэх явцад үйлдвэрлэлийн сөрөг хүчин зүйлийн нөлөөллөөс шалтгаалан үүссэн эмгэг Стандарт: ХАА, ЭА-н нэр томъёо MNS 4967:2000 Тоосны шалтаант гуурсан хоолойн архаг үрэвсэл Гуурсан хоолойн мөчир салааны салст бүрхүүлийн үрэвсэл юм.

Бүсэлхий нурууны мэдрэлийн судлын үрэвсэл (радикулит)