Нийслэл хот үүсч байгуулагдсаны 378 жилийн ойн өдрийг угтан Улаанбаатар хотын Захирагчийн ажлын албанаас ирүүлсэн албан бичгийн дагуу 2017 оны 10 дугаар сарын 13-ны өдрийн 14:00 цагт Нийслэлийн Засаг даргын Тамгын газар, Засаг даргын хэрэгжүүлэгч агентлаг, харьяа газруудыг хамарсан их цэвэрлэгээнд манай байгууллага  “И-Март” их дэлгүүрээс бөхийн өргөө хүртэлх замыг хариуцан цэвэрлэлээ. Тус цэвэрлэгээнд гудамж зам талбайн авто замын зорчих хэсгийн 2 талын  явган хүний зам, талбайн ногоон байгууламжийн навч, хог хаягдлыг цэвэрлэх, зам дагуу байрлалтай ААН байгууллагуудад шаардлага тавьж, цэвэрлэгээнд оролцуулах, гэрэлтүүлгийн шон, хашаа, хайс дээрх зарлал, наалтыг хуулж цэвэрлэх зэрэг ажлыг хийж гүйцэтгэлээ.